13 Pulungoana 2025 ka Monyane Khau

Sepetlele sa Mafeteng se lahlehetsoe ke matšoao a neng a ngotse mabitso a beng ba lipelo le matšoafo tse bolokiloeng phaposing ea bafu. Mehlala ena ea lipelo le matšoafo e tsoa ho bafu ba neng ba sebetsa merafong.

Ka la 8 Pherekhong 2025, Dr. Hatane Hatane o ile a tsebisa Komiti ea Paramente ea Ntšetso-pele le Boiketlo ba Sechaba hore lipelo le matšoafo tse ling ha li sa na mabitso. Komiti ena e ne e bile le kopano le mafapha a amehang litabeng tsa hore Basotho ba fumane litsieane tsa bona tsa merafong.

Ho belaelloa hore bafu bana ba ne ba tšoeroe ke mafu a amanang le sefuba –  TB le silicosis – nakong ea bophelo ba bona. Mehlala ea lipelo le matšoafo e ne e nkiloe ho etsa liteko tsa TB le silicosis, e le hore malapa a bona a tle a fumane litsieane haeba bopaki bo bontša hore bafu ba bile le mafu ana.

Ho sa le joalo, Molula-setulo oa Komiti ea Paramente ea Ntšetso-pele le Boiketlo ba Sechaba, Mokhothu Makhalanyane, o khothaletsa hore ho sebelisoe liteko tsa mali ho fumana beng ba lipelo le matšoafo tsena.

Imamelle mona: