Maikutlo a hao ke Afe ka hore Bakhethoa ba Banna ba Hlahlobele HIV Pontšeng?
16 August 2024 ka Limpho Sello
Moetapele oa Basotho Patriotic Party, Tefo Mapesela, o re ekaba bohlokoa hore bakhethoa ba banna ba hlahlobele HIV phatlalatsa, ‘me ba phatlalatse sephetho sa lihlahlobo tseo e le ho khothatsa banna ba Basotho ho hlahloba le ho tseba boemo ba bona ba HIV.
Tlhahiso ena e tla ka mora hore molula-setulo oa Komiti ea HIV Paramenteng, Liteboho Kompi, a hlalose hore lipalo-palo li bontša hore banna ba baholo ba tšoaetsa banana ba banyenyane lilemong, bao ba kenang likamanong tsa thobalano le bona. Maikutlo a hao ke afe litabeng tsee?
